https://subisu.net.np/fiter-packages/fiber/new-plan/premium-package

प्रमुख तीन दलले टुंगो लगाए तीन प्रदेशका उम्मेदवार

कांग्रेसले प्रदेश नम्बर २ बाहेकमा उम्मेदवार टुंग्यायो

काठमाडौं, ३  असार – कांग्रेसले प्रदेश नम्बर २ बाहेकका तीन प्रदेशका सबै स्थानीय तहमा उम्मेदवारको टुंगो लगाएको छ । गाउँपालिका, महानगर, उपमहानगर र नगरपालिकाका वडाध्यक्ष र सदस्य जिल्लामै मिले पनि नगरपालिका प्रमुख र उप्रमुखको उम्मेदवारी पार्टी केन्द्रले टुंगो लगाएको हो ।

प्रदेश नम्बर २ मा निर्वाचन नै २ असोजका लागि सरेपछि अब केही समयपछि मात्रै सबै उम्मेदवार टुंग्याएर सार्वजनिक गर्ने तयारी कांग्रेसको छ ।

एमालेद्वारा तीनवटै प्रदेशका उम्मेदवारको सूची सार्वजनिक

स्थानीय तहको दोस्रो निर्वाचनका लागि एमालेले तीनवटै प्रदेशमा उम्मेदवारको सूची सार्वजनिक गरेको छ । गाउँपालिका र नगरपालिकाका उम्मेदवार प्रदेश कमिटी तथा उपमहानगर र महानगरको उम्मेदवार स्थायी कमिटीले टुंगो लगाएको केन्द्रीय प्रचार विभागका सचिव विष्णु रिजालले बताए ।

विराटनगर महानगरपालिकामा एमालेले संघीय समाजवादी फोरम र फोरम लोकतान्त्रिक नेपालसँग तालमेलका विषयमा छलफल चलाइरहेको छ ।

माओवादी केन्द्रले पनि उम्मेदवार टुंग्यायो
माओवादी केन्द्रले पनि दोस्रो चरणमा निर्वाचन हुने तीनवटै प्रदेशका अधिकांश स्थानीय तहमा उम्मेदवार टुंगो लगाइसकेको छ । प्रदेश नम्बर ५ का तराई क्षेत्रमा पर्ने केही तहमा मात्रै टुंगो लगाउन बाँकी रहेको माओवादी केन्द्रीय कार्यालय सदस्य चक्रपाणि खनालले बताए ।

माओवादीले स्थानीय आवश्यकताअनुसार केही स्थानीय तहमा अन्य पार्टीहरूसँग चुनावी तालमेल पनि गरेको छ । प्रदेश नम्बर ७ का ८८ वटै स्थानीय तहमा भने एक्लै चुनावमा उत्रिने माओवादीले जनाएको छ । – नयाँ पत्रिका दैनिक

http://jagdambacement.com/

तपाईको प्रतिक्रिया

सम्बन्धित समाचार