कसरी रहने सधै स्वस्थ्य र खुसी ?

अहिले अधिकांसको घर मेडिकल स्टोर जस्तै भइसकेको छ । घरमा कुनै न कुनै रोगको औषधी भण्डारण गरिएको भेटिन्छ । कसैलाई मधुमेहले गाँजेको छ, कसैलाई उच्च रक्तचापले । कोहि युरिक एसिडको सिकार छन्, कोहि थाइराइडको । सामन्य रोग, बिमार, रुँघा, ज्वरोले कसै न कसैलाई सताएकै छ ।

किन यस्तो भएको छ त ?

यसको खास कारण हाम्रो जीवनशैली नै हो । मीठो मसिनो खानुपर्ने तर, शारीरिक काम गर्न जाँगर नचल्ने । आरमसाथ बस्न मन लाग्ने, मोज मस्ती गर्नुपर्ने हाम्रो बानीले हामीलाई रोगी बनाएको छ । खानपान र जीवनशैलीको कारण हाम्रो शरीर जीर्ण, कमजोर र रोगी हुँदैछ ।

कसरी हुने स्वस्थ्य र तन्दुरुस्त ?

स्वस्थ्य र तन्दुरुस्त हुनका लागि अनुशासित जीवनशैली अपरिहार्य छ । निश्चित समयमा सुत्ने, निश्चित समयमा खाने, निश्चित समयमा उठ्ने जस्ता दिनचर्या पालना गर्नैपर्छ । त्यसबाहेक स्वास्थ्यलाई प्रतिकुल हुने खानेकुरा सेवन गर्नु हुन्न । स्वस्थ्य दिनचर्या, सन्तुलित भोजन र सकारात्मक सोंचले हामीलाई स्वस्थ्य, तन्दुरुस्त र जवान बनाउँछ ।

कस्तो खानपान ?

यस्तो खानपान गर्नुपर्छ, जो स्वस्थ्यकर होस् । मौसमी फल, मौसमी सब्जी, साग, दुध, दही, अंकुरित अन्न, सलाद जस्ता खानेकुरा सेवन गर्नुपर्छ ।
यद्यपी राम्रो खानेकुरा भन्दैमा अधिक खानु उचित हुँदैन । किनभने हरेक खानेकुराबाट बेग्लेबेग्लै पोषण तत्व प्राप्त हुने हो । अतः हाम्रो शरीरलाई आवश्यक पोषण तत्व अनुरुप सन्तुलित मात्रामा खानेकुरा सेवन गर्नुपर्छ । भिटामिन, खनिज लवण, फाइबर जस्ता तत्व सामेल हुनुपर्छ ।

नियमित र सन्तुलित

खाना सन्तुलित हुनुपर्छ र खाने तालिका पनि नियमित हुनुपर्छ । एवं हरेक दिन सहि समयमा खानेकुरा सेवन गर्नुपर्छ । एकसाथ धेरै खानेकुरा होइन, पटक पटक सहि मात्रामा सेवन गर्नुपर्छ । एकसाथ धेरै खाानेकुरा सेवन गर्दा पाचन प्रणालीमा असर गर्ने त छँदैछ, यसले मोटोपन बढाउनका साथै कलेजोलाई समेत हानी गर्छ ।

तपाईको प्रतिक्रिया

सम्बन्धित समाचार