मधेसमा कांग्रेसका शीर्ष नेता: ‘ज्ञानेन्द्रसँग मिलेर एमालेले संसोधन फेल गरायो’

जनकपुर, २८ भदौ — प्रदेश नम्बर दुर्इको जनकपुरमा आयोजित बृहद चुनावी सभालार्इ कांग्रेसका सभापति तथा प्रधानमन्त्री शेरबहादुर देउवा, वरिष्ठ नेता रामचन्द्र पौडेल, महामन्त्री शशांक कोइराला, नेता विमलेन्द्र निधिलगायतका प्रभावशाली नेताहरुले सम्बोधन गरेका छन् । उनीहरुले मधेसको विकाशकाे मागमा सधैै अर्गभागमा रहेर काम गरेकाे तथा अागामी दीनमा पनि मधेशकाे माग पुरा गर्ने पनि कांग्रेसनै भएकाे तथा पुरा गर्ने वाचा गर्दै मधेसका मुद्दालार्इ सम्बोधन गर्न संविधन संसोधन गरिने प्रतिबद्धता समेत व्यक्त गरेका छन् ।

कांग्रेसका शीर्ष नेताहरुले एमालले मधेसमा द्‍वन्द तथा विभाजन ल्याउन खोजेको आरोप लगाउँदै मधेसको आक्रोशित मनलार्इ मलम लगाउने प्रयास गरेका छन् ।

संविधान संसोधन एमालेले फेल गरायो : निधि

पूर्व उपप्रधान तथा गृहमन्त्री एवम नेपाली काँग्रेसका नेता विमलेन्द्र निधिले ज्ञानेन्द्रसँग मिलेर एमालेले संविधान संसोधन विधेयक फेल गराएको आरोप लगाएका छन् । उनले एमालेले मधेसलार्इ अधिकार दिनबाट बञ्चित गराउन खोजेको आरोप लगाउँदै यस्तो बताएका हुन् ।

नेता निधिले मुलुकमा विकासको लहर ल्याउन दुई नम्बर प्रदेशमा नेपाली काँग्रेको झण्डा फहराउन आग्रह गरेका छन् । नेपाली काँग्रेस मुलुकको विकासप्रति प्रतिवद्ध पार्टी रहेको भन्दै असोज दुई गते हुने स्थानीय तह निर्वाचनमा काँग्रेसका उम्मेदवारलाई निर्वाचित गराउन निधिले मतदाताहरुसँग अपिल गरेका छन् ।

नेता निधिले नेपाली काँग्रेसकै पहलमा विकास निर्माणका पूर्वाधारहरु अगाडी बढेको बताउँदै नेपाली काँग्रेस निर्वाचित भए धनुषा तथा प्रदेश नम्बर दुईको विकास निश्चित रहेको उल्लेख गरे । प्रधानमन्त्री शेरबहादुर देउवाको भारत भ्रमणका क्रममा धनुषाको सीमावर्ती क्षेत्र पिपरौनमा भन्सार कार्यालय सञ्चालन गर्ने प्रस्ताव अगाडी बढी सकेको समेत उनले जानकारी दिए ।

प्रदेश नम्बर दुईका साथै मुलुकको राजनीतिक निकास तथा विकासको एजेन्डा अगाडी बढाउन नेपाली काँग्रेसको नेतृत्वलाई निर्वाचित गराउन उनले आग्रह गरेका छन् । स्वतन्त्र रुपमा उम्मेदवारी दिएका पार्टी नेता कार्यकर्ताहरुलाई समेत एकजुट भएर काँग्रेसका उम्मेदवार लाई निर्वाचित गराउन उनले आग्रह गरेका छन् ।

चुनाव भन्दा बाहिर रहेको आन्दोलनकारी शक्तिहरुलाई चुनावमा ल्याउन नेपाली काँग्रेस सफल भएको भन्दै नेपाली काँग्रेसले मुलुकमा द्धन्द्ध नचाहेको प्रष्ट भएको निधिले बताए । नेपाली जनताले आफ्नो अधिकार प्रयोग गरी निर्माण गरेको संविधानलाई नेपाली काँग्रेसले सर्वस्वीकार्य बनाउन चाहेपनि एमालेको अवरोधका कारण तत्काल संभव हुन नसकेको निधिले प्रष्टाए । एमालेले गरेको असयोगका कारण संविधान संशोधन विधेयक सफल हुन नसकेको बताउँदै एमाले अध्यक्ष केपी ओलीले पूर्व राजा ज्ञानेन्द्र शाहसँग साँठगाँठ गरेर पछिल्लो पटक संविधान संशोधन हुन नदिएको निधिले आरोप लगाए ।

निधिले भने,‘हामी मुलुकमा राजनीतिक स्थिरता ल्याउन चाहेका छौँ । तर, एमालेले चाहेको छैन । मुलुकमा द्धन्द्ध फैलाउनु एमालेको प्रमुख उद्देश्य देखिएको छ ।’ एमालेका नेताहरुले विदेशमा गएर संघीयताको विरोधमा गएर लबिङ गरेर राष्ट्रघाती कार्य गरेको भन्दै एमाले मधेश विरोधी, गणतन्त्र विरोधी र संघीयता विरोधी पार्टी रहेको प्रष्ट भइसकेको निधिले बताए ।

राजपा कतै देखिएन: काँग्रेस नेता गिरी

जनकपुरधाम नेपाली काँग्रेसका प्रभावशाली नेता प्रदिप गिरीले दुई नम्बर प्रदेशमा राजपा कतै नदेखिएको टिप्पणी गरेका छन् । आन्दोलनका नाउँमा अंशवण्डा गर्दै हिडेँका राजपासँग स्थानीय तह निर्वाचनमा नेपाली काँग्रेसको कुनै प्रतिष्पर्धा नरहेको गिरीले दावी गरेका छन् ।

नेपाली काँग्रेस धनुषाले बुधबार जनकपुरमा आयोजना गरेको चुनावीसभामा बोल्दै नेता गिरीले भने,‘ राजपा अंशवण्डामा लागेको छ । नेपाली काँग्रेससँग उसको कुनै प्रतिष्पर्धा देखिएको छैन ।’ जनकपुरमा केहि राजपा देखिएपनि प्रदेश नम्बर दुईको अन्य स्थानमा आफूहरुको प्रतिष्पर्धा एमालेसँग रहेको गिरीले बताए ।

नेपाली काँग्रेस सबैको साझा पार्टी रहेको बताउँदै गिरीले दुई नम्बर प्रदेशमा काँग्रेसका उम्मेदवारलाई निर्वाचित गराउन मतदाताहरुलाई आग्रह गरे । काँग्रेस नेता कृष्ण सिटौलाले नेपाली काँग्रेसले लोकतन्त्र, गणतन्त्र र संघीयता दिएको भन्दै मुलुकमा राजनीतिक स्थिरता ल्याउन नेपाली काँग्रेसको विकल्प नरहेको उनले प्रष्ट पारे ।

एमालेले द्धन्द्ध फैलायो: मन्त्री यादव

चुनावीसभामे बोल्दै खानेपानी तथा सरसफाई मन्त्री महेन्द्र यादवले मुलुकको राजनीतिक निकास काँग्रेसले मात्र दिन सक्ने भएकोले काँग्रेसका उम्मेदवारहरुलाई जिताउन आग्रह गरेका छन् । नेपाली काँग्रेस मधेशको कर्मभूमि रहेको भन्दै मधेश मुद्दालाई काँग्रेसले सदैव प्राथमिकतामा राखेको यादवले बताए ।

पार्टीका केन्द्रीय सदस्य तथा कृषि मन्त्री रामकृष्ण यादवले एमालेले गर्दा संविधान संशोधन विधेयक पारित हुन नसकेको उल्लेख गर्दै एमाले मधेश विरोधी पार्टी रहेको बताए । नेपाली काँग्रेस अझै पनि मधेशी जनताको भावना अनुसार समस्या समाधान गर्न प्रयासरत रहेको बताउँदै यादवले मधेश मुद्दा समाधान गर्न काँग्रेसले हरेक क्षण संघर्ष गर्दै आइरहेको दावी गरे ।

यसैगरी कार्यक्रममा बोल्दै केन्द्रीय सदस्य बालकृष्ण खाँडले नेपाली काँग्रेसले मात्र विकास र राजनीतिक एजेन्डालाई अगाडी बढाउन सक्ने भएकोले नेपाली काँग्रेसका उम्मदेवारहरुलाई दुई नम्बर प्रदेशमा निर्वाचित गराउन मतदाताहरुसँग आग्रह गरे । मधेशी भावना विपरित गएर झुठो राष्ट्रवादको नारा दिएर एमालेले समाजिक सदभाव विथोल्ने र द्धन्द्ध फैलाउने कार्य मात्र गरेको उनले अरोप लगाए ।

जनकपुर विकासको लागि कुटनीतिक पहल गरिने : मेयर उम्मेदवार शाह

जनकपुर उपमहानगरपालिकाका नेपाली काँग्रेसका उम्मेदवार मनोज साहले जनकपुर क्षेत्रको विकास आफ्नो पहिलो प्राथमिकता रहेको बताएका छन् ।

बुधबार जनकपुरमा आयोजित चुनावी सभालाई सम्बोधन गर्दै उम्मेदवार साहले जनकपुरलाई प्रदेश नम्बर २ को राजधानी बनाउन पूर्वाधार निर्माण आवश्यक रहेको बताउँदै पूर्वाधार निर्माणमा उनले जोड दिए ।

धार्मिक तथा साँस्कृतिक इतिहास रहेको जनकपुरलाई धार्मिक पर्यटकीय नगरको रुपमा विकासका लागि भारतसँग कुटनीतिक पहल गर्न पार्टी सभापति तथा प्रधानमन्त्री शेरबहादुर देउवालाई उनले आग्रह समेत गरेका छन् ।

तपाईको प्रतिक्रिया

सम्बन्धित समाचार