https://subisu.net.np/fiter-packages/fiber/new-plan/premium-package

गुल्मीमा माइक्रोबस दुर्घटना: ११ जनाको मृत्यु, ६ जना गम्भीर घाइते

गुल्मी, १३ कात्तिक  – बुटवलबाट गुल्मीको सदरमुकाम तम्घास आउँदै गरेको बा ४ ख ५५०१ नम्बरको यात्रीबहाक माइक्रोबस गुल्मीको दर्बार गाउँ पालिका वार्ड नम्बर ४ बिर्बासमा दुर्घटना हुँदा ११ जनाको मृत्यु भएको छ, ६ जना घाइते छन् ।

रिडी तम्घास खण्डको साँघुरो घुम्तीमा तीव्र गतिमा आइरहेको माईक्रो विपरित दिशाबाट गएको लु १ च ४५२२ नम्बरको जिपसँग ठक्कर खाएछि अनियन्त्रित भइ दुर्घटनामा परेको हो ।

घुम्तीबाट उछिट्टिएको माईक्रो सडकबाट झण्डै ५ सय मिटर तल खसेको छ । प्रहरीका अनुसार घटनास्थलमै ६ र उपचारका लागि पाल्पा लैजाने क्रममा बाटोमै ५ जनाको मृत्यु भएको हो ।

घटनामा छत्रदेव गाउँपालिका-७ भगवती अर्घाखाँचीका ४३ वर्षीय रामप्रसाद पाण्डे, मालिका गाउँपालिका-६ अर्जैका २५ वर्षीय लालबहादुर मुखिया, इश्मा गाउँपालिका-१ हस्तिचौरकी यमुना मरासिनी, इश्मा गाउँपालिका-२ दर्लामचौरका ४५ वर्षीया रुमी नेपाली, इश्मा गाउँपालिका-६ अमरपुरका २५ वर्षीय डिलबहादुर कुमाल, मुसिकोट नगरपालिका-३ बडागाउँकी ५२ वर्षीय मानकुमारी थापा, ब्रिटिस सेनामा कार्यरत बुटवलका केशबहादुर गुरुङको घटनास्थलमै मृत्यु भएको प्रहरी उपरीक्षक अनुरागकुमार द्वेवेदीले बताए ।

घटनामा माइक्रो चालक रेसुंगा नगरपालिका १० सिमिचौरका भीमबहादुर घर्ती मगर र रुरु गाउँपालिका-६ रिमुवाकी सुमित्रा दर्लामीको उपचारका लागि पाल्पा लैजाने क्रममा मृत्यु भएको थियो । घाइते ८ मध्ये २ बालिकाको मिसन अस्पताल र अन्य ६ जनाको लुम्बिनी मेडिकल कलेज प्रवास पाल्पामा उपचार भइरहेको छ । उपचारका लागि पठाइएका घाइतेमध्ये थप १ को अवस्था गम्भीर छ ।

यस्तै उपचारको क्रममा मालिका गाउँपालिका-७ का १९ वर्षीय सुमन कार्की र इश्मा गाउँपालिका-६ अमरपुरका २४ वर्षीय बीरबहादुर कुमाल रहेका छन् । घटनास्थल निकै अप्ठ्यारो र धेरै तल खसेपनि स्थानीय र सशस्त्र प्रहरीले तत्काल उद्दार गरेका थिए ।

 

 

Gulminews.com

 

http://jagdambacement.com/

तपाईको प्रतिक्रिया

सम्बन्धित समाचार