अर्घाखाँचीमा चुनाव बिथोल्ने १३ जना पेस्तोल सहित पक्राउ

काठमाडौं, २० मंसिर -चुनाव विरोधी गतिविधिमा संलग्न १३ जना नेकपाका कार्यकर्तालाई अर्घाखाँची प्रहरीले पक्राउ गरेको छ । चुनाव बिथोल्ने तयारी गरेको सुचनाका आधारमा नियन्त्रणमा लिएको प्रहरीले जनाएको छ ।

सन्धिखर्क नयाँ बसपार्क स्थित घरमा बाकसभित्र कागजले बेरेर राखेको एक थान पेस्तोल सहित नेकपाका जिल्ला सदस्य गोविन्द खनाललाई प्रहरीले घरबाटै पक्राउ गरेको हो ।
उनी सहित ११ जना जिल्लाका विभिन्न ठाउँबाट र जिल्ला इन्चार्ज गंगा ज्ञवाली र कुमार घर्तीलाई बुटवलबाट नियन्त्रणमा लिएको प्रहरी नायक उपरीक्षक एकनारायण कोइरालाले दिएका छन् ।
खनालको घरबाट एक थान कटुवा पेस्तोल र सात राउण्ड गोली पनि बरामद गरेको छ । अन्यको समेत खोजीकार्य तीब्र पारिएको कोइरालाले बताए ।

तपाईको प्रतिक्रिया

सम्बन्धित समाचार