http://jagdambacement.com/

प्रधानमन्त्रीलाई पत्र लेखेर माओवादी केन्द्रका मन्त्री फिर्ता बोलाए प्रचण्डले

काठमाडौँ, २८ पुस – माओवादी केन्द्रका अध्यक्ष पुष्पकमल दाहाल प्रचण्डले प्रधानमन्त्री शेरबहादुर देउवालाई एक पत्र लेखेर आफ्ना मन्त्रीहरुलाई फिर्ता बोलाएका छन् । प्रधानमन्त्रीले सबै मन्त्रीहरुको विभाग खोसेर विना विभागीय बनाईदिएको करिब ३ महिनापछि प्रचण्डले मन्त्रीहरुलाई फिर्ता बोलाएका हुन् ।

वाम गठबन्धन बनाएर माओवादी एमालेसँग जोडिएपछि प्रधामन्त्री देउवाले विपक्षमा र सत्तापक्षामा दोहोरो भूमिकामा माओवादी बसेको भन्दै सरकारमा रहेका मन्त्रीहरुको जिम्मेवारी खोसेका थिए ।पार्टी अध्यक्ष दाहालको पत्र दिएर शुक्रबार विना विभागीयमन्त्री गिरिराजमणि पोखरेल प्रधानमन्त्री कार्यालय पुगेका थिए ।

प्रचण्डले पत्रमा निर्वाचन सम्पन्न गर्न अप्ठ्यारो नपरोस् र समयमै चुनाव होस् भनेर सरकारमा बसेको उल्लेख गरेका छन् । तर, ताजा जनादेश आएपछि नयाँ सरकार गठनका लागि आवश्यक वातावरण बनाउन पहल नगरेको गुनासो गरेका छन् । पत्रमा प्रचण्डले नयाँ जनादेश अनुसार सत्ता हस्तान्तरणमा सहजीकरणको लोकतान्त्रिक भूमिकाको अपेक्षा गरेको उल्लेख गरेका छन् ।

तपाईको प्रतिक्रिया

सम्बन्धित समाचार