फूलचोकी जंगलमा हराएको सातौं दिनमा बुधबार फेला परेका जोन तामाङको उपचार अझै आईसीयूमा भइरहेको आजको कान्तिपुरमा खबर छ ।
जोनको स्वास्थ्य अवस्था सुधारोन्मुख भएको चिकित्सकले जनाएका छन् । ग्वार्कोस्थित बी एण्ड बी अस्पतालमा उपचाररत तामाङबारे चिकित्सक ओम अधिकारीले ‘स्थिति सुधारोन्मुख’ भएको जानकारी दिए ।
हिउँले खाएर प्लास्टर गरिएको उनको दुवै खुट्टाको अवस्था राम्रो हुँदै गएको चिकित्सकले जनाएका छन् ।
जोनकी आमा रिमाले छोराको अवस्था अझै नाजुक रहेको बताइन् ।
