‘सरकार प्रेसविरोधी’- कांग्रेस सभापति देउवा

चितवन, २६ असोज – नेपाली कांग्रेसका सभापति शेरबहादुर देउवाले सरकार प्रेसविरोधी भएको अरोप बताएका छन् । नेपाल प्रेस युनियन चितवन शाखाको आठौं जिल्ला अधिवेशनको शुक्रबार भरतपुरमा सम्पन्न उद्घाटन कार्यक्रममा  नेता देउवाले सरकार विरुद्ध खनिएर छोटाे मन्तव्य टुङ्ग्याएका थिए ।

‘सञ्चार जगतमाथि सरकारले हस्तक्षेप गर्ने सम्भावना देखिएको छ । प्रेस फ्रिडममा अंकुश लगाउने कोसिस गरिएको छ’ पूर्वप्रधान मन्त्रीसमेत रहेका नेता देउवाले भने, यस्ता षड्यन्त्रविरुद्ध आफ्नो पार्टीले प्रतिकार गर्ने उनले बताए ।

कांग्रेस सधैं प्रेस स्वतन्त्रता र आधारभूत मानव अधिकारको रक्षाका लागि कटिबद्ध रहँदै आएको देउवाको भनाइ थियो । ‘प्रेस स्वतन्त्रताका लागि हामी पञ्चायतमा पनि लडेका हौं ।

लड्दालड्दै पञ्चायत नै गयो’ देउवाले चेतावनी दिँदै भने, ‘अहिलेको सरकारले पनि प्रेसविरोधी भावना बनाए हामी चुप लागेर बस्दैनौं ।’ त्यसैगरी महामन्त्री शशांक कोइरालाले पनि सकारले प्रेसविरुद्ध बाधा व्यवधान खडा गरेको बताए । यस्तो कामका विरुद्ध पत्रकारहरु लाग्नु पर्ने र त्यसमा कांग्रेस पार्टीको सहयोग रहने महामन्त्री शशांक कोइरालाको भनाइ थियो ।

तपाईको प्रतिक्रिया

सम्बन्धित समाचार