महेन्द्रनगर, २७ असोज – कञ्चनपुरकी १३ बर्षिय बालिका निर्मला पन्तको बलात्कार पछि भएको हत्या घटनाको छानविनका लागि नेपाल प्रहरीले गठन गरेको एआईजी धीरू बस्न्यात नेतृत्वको टोली कञ्चनपुर पुगेको छ ।
घटनाको छानविनका लागि गत ३१ भदौँमा एआईजी धिरु बस्नेतको नेतृत्वमा ४ सदस्य टोलि गठन गरेको थियो । समिति गठन हुँदा डीआईजी रहेका बस्नेत अहिले एआईजीमा बढुवा भएका छन ।
निर्मला हत्याकाण्डमा प्रहरीले नै प्रमाण नष्ट गरेको स्थानयको आरोप पश्चात् थप अनुसन्धानका लागि नेपाल प्रहरीले गठन गरेको टोली शुक्रवार कञ्चनपुर पुगेको हो ।
कञ्चनपुर पुगेसंगै टोलीले प्रमुख जिल्ला अधिकारी ९सिडियो० संग भेटवार्ता गरेको स्रोतले बतायो । शनिवार स्थानिय सरोकारवालासंग भेटघाट तथा परामर्श गर्ने कार्यक्रम रहेको छ ।
गत १० साउनमा ‘होमवर्क’ गर्न साथीको घर गएकी भीमदत्त नगरपालिका २ कि निर्मला पन्तको बलात्कार पछि हत्या गरिएको अवस्थामा स्थानिय उखुवारीमा शव फेटिएको थियो । घटना घटेकोे दुई महिना भन्दा बढि समय भइ सक्दा समेत हत्यारा पहिचान हुन सकेको छैन । -नेपाल समाचारपत्र दैनिक
