काठमाडौं,२७ मंसिर -कञ्चनपुरको कृष्णपुर नगरपालिमा एक बालक मृत फेला परेका छन्। आज विहान ५ बजे कृष्णपुर नगरपालिका वडा नम्वर ४ का १२ बर्षिय बालक विवेक बम मृत फेला परेका हुन्।
आईतवारदेखि वेपत्ता बालकको शव फेला परेको कञ्चनपुर प्रहरीले जनाएको छ। शव पोष्टमार्टमका लागि धनगढी ल्याईएको छ। बालकको शव घरभन्दा टाढा छिमेकीको गोठमा फेला परेको गुलरियास्थित इलाका प्रहरी कार्यालयले जनाएको छ।
कानबाट रगत बगेको र पिँठ्युमा निलडाम देखिएकोले स्थानीयले हत्याको आशंका गरेका छन्।घटना बारे अनुसन्धान भईरहेको जिल्ला प्रहरी कार्यालय कञ्चनपुरले जनाएको छ।
