https://www.saurabhgroup.com/

नेपाल लाइफकाे घातक रोगमा ५० लाखसम्मको बीमा

काठमाडौं – नेपाल लाइफ इन्स्योरेन्सले विभिन्न घातक रोगकोे जोखिम बहन गर्ने बीमा योजना सार्वजनिक गरेको छ । कम्पनीले ५० लाखसम्मको जोखिम वहन हुने घातक रोग सुविधा योजना नामक बीमा योजना सार्वजनिक गरेको हो ।

कम्पनीका प्रमुख कार्यकारी अधिकृत विवेक झाले भने, ‘हामीले आम सर्वसाधारणलाई घातक रोग लाग्दा आइपर्नसक्ने आर्थिक संकटलाई दृष्टिगत गरी यो योजना अघि सारेका हौं । हाल विश्वव्यापीरूपमा बढ्दै गएको घातक रोगको उच्च जोखिमबाट हुने क्षतिलाई न्यूनीकरण गर्न यो योजनाले हाम्रा सेवाग्राहीलाई ठूलो सहयोग पुग्ने विश्वास लिएका छौं ।’

कम्पनीका अनुसार यो पूरक करार लिएपछि बीमा अवधिमा तोकिएका घातक रोग लागेमा बीमाले जोखिम बहन गर्नेछ । साथै साविकको योजना भने बीमा अवधिसम्म चालू रहनेछ । पूरक करारले थप जोखिम बहन गर्नेछ । ऐच्छिक सुविधा दिने पूरक करार पहिला कुनै पनि योजनाको जीवन बीमा गरेका बीमित वा नयाँ बीमितले तोकिएका शर्त पूरा गरी यो थप सुविधा लिन सक्नेछन् ।

योजनामा क्यान्सर, मृगौला विफलता, प्राथमिक पल्मुनरी धमनी उच्च रक्तचाप, सिम्पटम्स मल्टिपल स्क्लेरोसिस, मुख्य अंग प्रत्यारोपण, ओपन चेष्ट सीएबीजी, महाधमनीको शल्यक्रिया, ओपन हार्ट सर्जरी वा मुटुका भल्भको मर्मत, मष्तिस्कघात, माइयोकार्डिअल इन्फ्राक्सन वा पहिलो हृदयाघात, कोमा, पूर्ण अन्धोपन, स्थायीरूपले भएको अंगको पक्षाघात, अन्तिम चरणको कलेजोको विफलता, अन्तिम चरणको फोक्सोसम्बन्धी रोग, अल्जाइमर्स रोग, पार्किन्सन्स रोग, तेस्रो डिग्रीमा पोलेको÷डढेको गरी विभिन्न रोगहरू समावेश गरिएको छ ।

तपाईको प्रतिक्रिया

सम्बन्धित समाचार