काठमाडौं, १४ श्रावण – नेपाली कांग्रेसका सभापति शेरबहादुर देउवाले पार्टीको जेष्ठ राजनीतिज्ञ सभा सदस्य मनोनित गरेका छन् । सभापति देउवाले ४ सय ७९ जना पुराना नेतालाई पार्टीको जेष्ठ राजनीतिज्ञ सभा सदस्यमा मनोनित गरेका हुन् ।
पूर्व सभामुखद्वय तारानाथ रानाभाट र दमननाथ ढुंगानादेखि पत्रकार महासंघका पूर्वअध्यक्ष होमनाथ दाहालसम्मलाई जेष्ठ राजनीतिज्ञ सभा सदस्यमा मनोनित गरिएको छ ।
यसअघि सभापति देउवाले गत माघ १९ गते कांग्रेसको नियमावली २०७६ को नियम ५० बमोजिम पार्टीका ३० जना अगुवा राजनीतिककर्मीलाई पार्टीको जेष्ठ राजनीतिज्ञ सभाको सदस्यमा मनोनयन गरेका थिए ।