काठमाडौँ – कोरोना संक्रमण भएका बरिष्ठ हास्यकलाकार मनोज गजरेलको स्वास्थ्य अवस्था जटिल भएको र आइसीयूमा उपचार भइरहेको छ ।
यस अघि १० कात्तिकमा उनले सामाजिक संजाल फेसबुकबाट आफूलाई कोरोना पोजेटिभ देखिएको जानकारी गराएका थिए। कोरोना संक्रमण भएका उनलाई फोक्सोमा समस्या देखिएपछि बलम्बुस्थित सशस्त्र प्रहरी अस्पतालमा आइसीयूमा राखेर उपचार गरिएको हो ।
घरमै आइसोलेसनमा बसिरहेका उनलाई अक्सिजन लेभल कम भएपछि बिहिबार सशस्त्र प्रहरी अस्पताल लगिएको थियो ।आफूलाई पूर्ण सुधार नभएको र र शरीरले फरक- फरक प्रतिक्रिया देखाइरहेको उनले बुधबार फेसबुक मार्फत जानकारी दिएका थिए ।
स्वास्थ्य परिक्षणपछि उनको फोक्सोमा समस्या देखिएको चिकित्सकहरुले बताएका छन् रआवश्यकता अनुसार प्लाज्मा थेरापी समेत दिने योजना बनिरहेको स्रोतले जानकारी दिएको छ।
