सातौँ संविधान दिवस२०७८ मा ९०३ जना विभूषित, अर्घाखाँचीबाट ५ जना

काठमाडौँ, ३ आश्विन – सरकारले सातौँ संविधान दिवस, २०७८ का अवसरमा ९०३ जनालाई विभूषित गरेको छ ।  जसमा अर्घाखाँची जिल्लाबाट संविधान दिवसकाे अवसरमा  ५ जना विभुषित भएका छन् ।

गृह मन्त्रालयका अनुसार यस वर्ष २५ किसिमका विभूषण घोषणा गरिएको छ । त्यसमा ११ किसिमका मानपदवी, ८ किसिमका अलंकार र ६ किसिमका पदक छन् । ‘विभूषण सिफारिस कार्यविधि एवं प्रदान सम्बन्धी मापदण्ड २०७५’ विभूषणका लागि छनोको मापदण्ड तोकेको छ ।

राष्ट्रको गौरव वृद्धि गर्ने कार्यमा विशेष योगदान पु¥याएको पदाधिकारी एंव व्यक्ति, आफ्नो क्षेत्रमा उत्कृष्ट कार्य गरी राष्ट्रलाई योगदान पुर्‍याएको पदाधिकारी वा व्यक्ति, सरकारी सेवासँग सम्बन्धित व्यक्तिको हकमा आफूलाई तोकिएको कार्य प्रशंसनीय ढङ्गबाट सम्पादन गरेको व्यक्ति विभूषित हुने भनिएको छ ।

विदेशी नागरिक भए नेपालको समुन्नति तथा अन्तर्राष्ट्रिय क्षेत्रमा नेपालको सम्मान, गरिमा र पहिचान बढाउने कार्यमा विशेष योगदान पुर्‍याएको व्यक्ति हुनुपर्छ । यसै गरी कुनै साहसी, वुद्धिमत्तापूर्ण वा लोककल्याणको हित हुने कार्य गरी विशेष योगदान पु¥याएको व्यक्ति हुनुपर्ने छ ।