काठमाडौं, २९ पुस – काठमाडौं उपत्यकामा एकैदिन १,९१६ सहित नेपालभर ३,५५३ कोरोना संक्रमित एकैदिन थपिएका छन् । थपिएकामा काठमाडौंका १,४४९, ललितपुरका ३१७ तथा भक्तपुरका १५० जना हुन् । देशभर सक्रिय संक्रमित १४,३४० जना रहेकामा उपत्यकाका मात्र ८ हजार ३९६ जना छन् ।
जसमा काठमाडौंमा ५,८४२, ललितपुरमा १,५९१ तथा भक्तपुरमा ९६३ जना हुन् । पछिल्लो २४ घण्टामा थप ३,५५३ जनामा कोरोना भाइरसको संक्रमण पुष्टि भएको छ । १०,४९८ पीसीआर परीक्षण गर्दा २,९२२ र ४,५८३ एन्टीजेन परीक्षण गर्दा ६३१ जनामा संक्रमण पुष्टि भएको हो ।
पछिल्लो केही दिनयता निरन्तर संक्रमण बढ्दै जादा सक्रिय संक्रमितको संख्या १४,३४० पुगेको छ । पछिल्लो २४ घण्टामा २७१ जना संक्रमणमुक्त भएका छन्, भने थप १ जनाको मृत्यु भएको छ ।
संक्रमण दर पीसीआरमा २७.८ प्रतिशत र समग्रमा २३.६ प्रतिशत देखिएको छ । काठमाडौंमा १४४९, भक्तपुरमा १५० र ललितपुरमा ३१७ संक्रमित थपिएका छन् ।