काठमाडौं, ५ चैत – त्रिभुवन विश्वविद्यालय केन्द्रीय क्याम्पसको स्वतन्त्र विद्यार्थी युनियनको सभापतिमा नेपाल विद्यार्थी संघका श्यामराज ओझा निर्वाचित भएका छन् ।उनले ८९४ मत ल्याएर निर्वाचित हुँदा अनेरास्ववियुका प्रकाश विष्टले ६८१ मत पाएका छन् ।
त्रिवि पूर्वाञ्चल इन्जिनियरिङ क्याम्पस धरानको स्ववियु सभापतिमा नेविसंघका नविन श्रेष्ठ विजयी भएका छन् । उनी ४१४ मतका साथ विजयी भएका हुन् । उनका निकटम प्रतिद्वन्द्वी अखिल क्रान्तिकारीका मन्दिप अधिकारीले २८८ मत पाए ।
काठमाडौँको थापाथली इन्जिनियरिङ क्याम्पसको सभापतिमा नेपाल विद्यार्थी संघ (नेविसंघ)का पुष्कर शाही विजयी भएका हुन् । यस्तै दोस्रोमा अनेरास्ववियु भएको छ भने तोस्रोमा अखिल क्रान्तिकारी भएको निर्वाचन समितिले जनाएको छ ।