अनलाइन सञ्चारमाध्यमको भूमिका महत्त्वपूर्ण, प्रधानमन्त्री प्रचण्ड

नेपाल ब्रिटेन डटकमको १६औँ वार्षिकोत्सवको अवसरमा शुभकामना मन्तव्य दिँदै प्रधानमन्त्री प्रचण्डले भनेका छन्, ‘हरेक विधामा निष्पक्ष रूपमा निर्धक्क भएर यथार्थ समाचार ल्याउन अनलाइन सञ्चारमाध्यमको महत्त्वपूर्ण भूमिका हुने विश्वास लिएको छु।’

शुभकामना सन्देशमा प्रधानमन्त्री प्रचण्डले भनेका छन्, ‘बेलायतबाट प्रकाशन भइरहेको नेपालब्रिटेन डट कमले  १६ औँ वसन्त पार गरेको खबर सुन्दा खुसी लागेको छ। सूचना तथा प्रविधिको विकासले गर्दा सारा संसार विश्व ग्राम (ग्लोबल भिलेज) मा परिवर्तन भई रहेका बेला मानव जातिका सामु उपस्थित प्रमुख चुनौतीहरूबारे जनचेतना जगाउन र ती सँग जुध्न सामूहिक प्रयत्नलाई बढवा दिन पनि सञ्चार माध्यमको महत्त्वपूर्ण भूमिका रहन्छ।  विदेशमा रहेका सञ्चार माध्यमहरूले त नेपाल र बाह्य विश्वलाई आपसमा जोड्ने सेतुको काम गरिरहेका छन्।’

विकसित देशहरूमा अनलाइन मिडिया तथा सामाजिक सञ्जाल मानव समुदायका लागि आधारभूत आवश्यकताको वस्तु नै भैसकेको उल्लेख गर्दै नेपालजस्ता विकासोन्मुख देशहरूमा पनि यसको लोकप्रियतामा बढ्दै जानुका साथै जनतामा यसको पहुँचमा पनि वृद्धि हुँदै गएको प्रधानमन्त्री दाहालको शुभकामना सन्देशमा उल्लेख छ।

तपाईको प्रतिक्रिया

सम्बन्धित समाचार