काठमाडौं, २० चैत – सिटी वालेट प्रालिले छिटो पैसा प्रालिलाई गाभेको छ । छिटो पैसा गभिए पछि ‘सिटी वालेट प्रा. लि.’ को नामबाट कारोबार सुरु भएको छ।
केन्द्रीय बैंकबाट अनुमति लिएका दुबै संस्थालाई मर्जरको अन्तिम स्वीकृति पनि दिएको थियो । केन्द्रीय बैंकको अन्तिम स्वीकृति पछि छिटो पैसालाई सिटी वालेटले गाभेको हो ।
दुवै संस्थाबाट सञ्चालन हुँदै आएको भुक्तानी सम्बन्धी सम्पूर्ण कारोबार आगामी बैशाख ३ गते बिहीबारदेखि एकीकृत रुपमा ‘सिटी वालेट प्रा. लि.’ को नामबाट सञ्चालन हुने केन्द्रीय बैंकले जनाएको छ । सिटी वालेट प्रा. लि. र छिटो पैसा प्रा. लि. एक आपसमा गाभिई साविकका संस्थाहरुको सम्पूर्ण सम्पत्ति तथा दायित्व सिटी वालेटमा सर्ने बैंकले जनाएको छ ।
‘सिटी पे’ वालेट सिटी एक्सप्रेसद्वारा प्रवर्द्धित सिटी वालेट प्रालिले सञ्चालन गरिरहेको कम्पनी हो । यसबाहेक ‘छिटो पे’ वालेटमा ‘पठाओ नेपाल’ का प्रवर्द्धकहरू संलग्न छन् ।